لأنـنـآ نـعـشـقِ التـميز والـِمُـِمَـِيّـزِيْـטּ يشرفنـآ إنـظمـآمڪ معنـآ | |

أثبـت تـوآجُـِدڪ و ڪـטּ مـטּ [ الـِمُـِمَـِيّـزِيْـטּ ..!

لـِڪي تـسـتـطـيـع أن تُـِتْـِِבـفَـِنَـِـِا [ بـِ موآضيعـڪ ومشارڪاتـڪ معنـِـِـِآ ]



 
الرئيسيةالبوابةمكتبة الصوربحـثالتسجيلدخول

شاطر | 
 

 مادا يحصل في باب الحارة الجزء الخامس

اذهب الى الأسفل 
كاتب الموضوعرسالة
المتمرد
نائبے المدير
نائبے المدير
avatar

جْــنـسَے• : ذكر
عدد مشآرڪآتي عدد مشآرڪآتي : 70
عًٍـمـًرٌٍيَـے• : 26
آآنــــنـــے• :
مْــزًاآجٍـے• :
وَظْـيْفَـتْے• :
الانتساب : 01/04/2010

مُساهمةموضوع: مادا يحصل في باب الحارة الجزء الخامس   الأربعاء أبريل 21, 2010 10:00 am

باب الحارة - الجزء الخامس
حصرياً - باب الحارة الجزء الخامس للمؤلف أبو الشوك

الحلقة الأولى

المشهد الأول .....
يدق جرس الباب
سعاد: فتحوا يا ولاد أنا عم اغسل مالي فاضييه
معتز: أمرك يامو
يفتح معتز الباب فيجد شرطي يمسك بيده أوراقاً
معتز للشرطي: نعم يا أخي
الشرطي: معي تبليغ بخص معتز ممكن تناديلي ياه
معتز: أنا معتز بخصوص شوُ بالله
الشرطي: سحب علجيش
معتز: علجيش! ايه شوُ عليه بروح علجيش
الشرطي: وقعلي هون لو سمحت
معتز يوقع بحركة عصبية
الشرطي: لا تتأخر على موعد السحب من شان مصلحتك
معتز: لا مارح اتأخر
يغلق الباب بعد ذهاب الشرطي
سعاد: شو يا معتز مين كان علباب
معتز: هادا شرطي يامو
سعاد: شرطي!! وشو بدو
معتز: بشان الجيش
سعاد: ولي على آمتي وبدك تروح علجيش وتتركني لحالي هي اخزك متجوز مع نسوانو التنتين واخواتك البنات تجوزو وصفيت لحالي انا وياك وابوك
معتز: شو انسيتي انو انا كاتب كتابي كمان وبعد الجيش رح اسكن لحالي
سعاد: لآ ما نسيت بس ما فكرت انو بهالسرعة رح يفضى البيت
معتز: عميليلك همه انت وابي وجيبولكون شي ولد صغير اتسلوا فيه. يضحك
سعاد: روع عشغلك ولي على آمتك شو صاير خفيف دم

المشهد الثاني......
صيدلية أبو عصام تدخل عليه إمراة كبيرة في السن يبدو عليها التعب والفقر
أبو عصام: خير يا أم خالد
أم خالد: انشا الله خير بس هالرجال ما طاب على دوى اللي عطيتني ياه ولسى راسو عم يجعوا
أبو عصام: له له له.. وعرضتوا على شي دكتور
أم خالد: من وين يا حصره اذا حأ الدوا عم ندبرو بالزور
أبو عصام: ولا يهمك خلي يجي لعندي لأفحصلك ياه
أم خالد: المسكين ما عم يقدر يتحرك.
أبو عصام: بسيطه هلق الساعة 2 بخلص شغل وبروح بشوفوا لسعتكون بنفس البيت
أم خالد: أيه، ما بعرف شو بدي قلك مشكور يا أخي غمرتني بمعروفك
أبو عصام: عيب هل الحكي نحن اهل حارة وحده واخوات
تخرج أم خالد من الصيدليه

المشهد الثالث.........
صطيف عم يشحد بالشارع وينادي من شان الله جوعان ثم يلاحظ عبدو
صطيف: عبدو عبدو عطيني مصاري
عبدو: حل عني منشان الله عايف حالي ما معي فرنك
صطيف: والله الأحوال بهالبلد مو تمام بنوب الكل تعبان وبدو مصاري
عبدو: لأ اخي البلد منيحة بس انا حظي معتر حل عني قبل ما اتأخر علحمام ويزفني بهدلة ابو كاسم
صطيف: بس قالو انو انت قرفان من البلد وبدك تهاجر عكندا
عبدو: ما لي قرفان بدي روح اشتغل سنتين تلاته وافتحلي شي دكان صغير
صطيف: بس
يقاطعه عبدو: لك حل عني اللعمى شو غليظ
صطيف: روح الله لا يوفئك
عبدو: لك لا الدبانة طاهره ولا دعوتا مستجابه

المشهد الرابع...........
أبو كاسم وابو شهاب في مكتب ابو شهاب في مخزن الحبوب
ابو كاسم: شو أخي؟ كل اهل الحاره عم يشتكو من صطيف في اشاعة قويه انو كتيب تقارير وعوايني
ابو شهاب: هالحكي بعرفو وبعرف لأي فرع عم يكتب تقارير هالندل
ابو كاسم: ليكون هو ورا شحط خالد عبيت خالتو
ابو شهاب: ايه اخي هوه ورارها و ورا كتير مصايب ما تعرفا
ابو كاسم: وشو رح تساوي؟
ابو شهاب: تركو هلق دبارو عندي بس يجي وقتو
ابو كاسم: يا حوينتك يا خالد كان زينة شباب الحاره علم وادب واخلاق من وقت ما شحطوه من 3 سنين ما منعرف عنو شي
ابو شهاب: الله يفك اسرو ويرجعو لأهلو
ابو كاسم: لو ما نحبس كان هلق صار محامي ومن سنتين
ابو شهاب: الله يفرج

المشهد الخامس..........
في منزل يبدو عليه علائم الفقر الشديد ورجل مريض يتألم مستلقي حلى حصيره، يرن جرس الباب
أم خالد: هادا بيكون الحكيم أبو عصام
أبو خالد: افتحي بسرعة
أم خالد تفتح الباب
أبو عصام: السلام عليكم يا أختي، خديلي طريق
أم خالد: اتفضل اتفضل ما في حدا غيري انا وهالختيار
أبو عصام بعد ان يدخل لداخل المنزل: شو ابو خالد خير
ابو خالد: والله يا حكيم شكلي مو مطول
ابو عصام: وكل الله ابو خالد
ابو خالد: ونعم بالله يا اخي من وقت ما شحطولي الصبي ما شفت يوم حلو
ابو عصام: الله بعين، شو عم يجعك
ابو خالد: كلشي بس راسي اكتر شي لا نوم ولا اكل
أم خالد: صرلو شي شهر على هلحاله
ابو عصام وهو يكشف عليه: هيك ما بيصير بكره الصبح بتروح عمستشفى الثورة الخالدة
ام خالد: رحنى ام بهدلونا وقلعونا
ابو عصام: ولا يهمك انا نائب مدير المشفى صاحبي ورح وصيه فيكون بس بكره لا تتأخرو
ابو خالد: الله يخليلنا ياك يا حكيم طول عمرك مفضل
ابو عصام: فضلي على حالي انت رفيق المرحوم الوالد
ابو خالد: الله يرحمو ويرحمنا
ابو عصام: رح اعطيك ابرة منشان تنام وتريح حالك
ام خالد: والله يا ريت المسكين ما نام ساعتين متل العالم من شهر
ابو عصام بعد أخذ الإبرة: بالعافيه
ام خالد: يسلمو هالايدين حكيم
ابو عصام: شو اخبار خالد عرفتو شي عنو
ام خالد: واحد طلع من هنيك قال انو منيح بس من 3 سنين ما شفتو يا حصرة قلبي عليه
ابو خالد: الله لا يوفقون ويحرق قلبون عولادون متل ما حرقوا قلبي
ابو عصام: يلا بتسماحولي لازم روح عالبيت
ام خالد: ما بيصير تغدى عنى وبعدين بتروح
ابو عصام: والله ما بقدر ام عصام بالبيت عم تستناني
ابو خالد: بالسلامة حكيم روح الله يرضى عليك
أبو عصام وهو بطريقه لخارج المنزل: معافى
على باب البيت وبعيداً عم أسماع ابو خالد
ام خالد: شو حكيم طمني؟
ابو عصام: انشا الله خير لازملوا صوره لدماغ
ام خالد: حالتو صعبه
ابو عصام: ما بيبين شي هلق بعد الصور منعرف
يخرج من جيبه نقوداً ويقول: خدي ام خالد هدول اجرة طريق علمشفى ما رح تاخديه بالمكرو لهنيك
ام خالد متردده: بس
ابو عصام: خديون انا متل ابنكون
ام خالد: روح الله يوقفلك بطريقك ولاد الحلال
ابو عصام: ديري بالك حالحجي هاد من ريحة المرحوم ابي

نهاية الحلقة الأولى


0 comments
مقدمة - باب الحارة الجزء الثالث

-حصرياً- سيناريو مسلسل باب الحارة الجزء الخامس

تم إضافة بعض الشخصيات للعمل كما تم إعادة بعض الشخصيات التي ماتت في الجزئين الأول والثاني إلى الحياة لضرورات درامية كما تم استبدال بعض الشخصيات

تدور أحداث الجزء الخامس في مدينة دمشق في حارة الضبع في العام 2007

خرج الاحتلال الفرنسي البغيض من الحارة والبلد منذ بضعة عقود لذلك اصبح رئيس المخفر هو النقيب أبو سومر يعاونه الرقيب أول أبو حيدره والرقيب أول أبو علي

أبو عصام في هذا الجزء هو صيدلي يملك صيدلية وبقي لقبه الحكيم فيما ابنه عصام بقي حلاقاً رجالياً

انتظروا حلقات مسلسلنا قريباً

مؤلف الجزء الخامس - أبو الشوك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ويندوز ليف
عضو جديد
عضو جديد


جْــنـسَے• : ذكر
عدد مشآرڪآتي عدد مشآرڪآتي : 10
عًٍـمـًرٌٍيَـے• : 21
آآنــــنـــے• :
مْــزًاآجٍـے• :
وَظْـيْفَـتْے• :
الانتساب : 04/08/2012

مُساهمةموضوع: رد: مادا يحصل في باب الحارة الجزء الخامس   السبت أغسطس 04, 2012 2:55 pm

شكرا على الموضوع الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مادا يحصل في باب الحارة الجزء الخامس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: آٍالــمنتديــات الأدبــيـة :: قصص وروايـآآت-
انتقل الى: